Par rend pusse facil l'esistenza e ul laurà l'omm la sempar cercà da voutass cunt atress e utensil vari; par quest le invenziun e ulscuprì rob neuv determinan l'abbandun da queli che serviss pù. Al par da pudè di che la nostra civiltà la vegna caratteriza e cundissiuna dai cunquist tecnic.

In no dumà i mezzi tecnic che caratterizan la nostra civiità,ma la cundizionan nutevulment. Basterà di che l'omm in passa l'era padrun dal so attress da laurà, mentre adess l'è tropp spess cundiziunà, se non addirittura schiavi; dal prugress tecnic.  Gl’attress d'una voeulta eran semplic ed essenzial; chi ja faseva al pensava da fai in modo che durassan una vita, fort e cunsistent.  Quel che sa possedeva l'era custà tanta fadiga, sia cal fus sta fa persunalment o cumprà, e propi par quest al sa tegniva cunt cura e cunt quel senso de rispett par tutt quel che s'arriva ad avegh cunt sacrifici.

A guarda incoeu gl’attress che sa usava una voeulta sembran sprupursiunà e grussulan. Però mùstran, in ogni caso, la man da quel che la custruì. Ogni oggett al cunserva l'imprunta da quel ca la fà, brau o meno cal fuss; ogni pezzo l'era divers da l'alter e no cume quei fa in sere dal dì d'incoeu tucc anonim, tucc istess tant che finissa ar stufì.

Adess gl’oggett d'una voeulta sa podan vidè in cà muderni tegnù cume suprammobil ben in vista, metù lì parchè sa ne intuiss ul valur, o par illudas da cred da resta lega a un mund che sa proeuva un'intima nustalgia; ma nunch distratt, frettulus e sempar tes vers rob noeuv sem nò in cundissiun da cumprend l'intim, pusse pien valur, che cumpurtava anca sobrietà, fadiga, e rinunci. Ul me pruposit l'è quel da numinai in modo che, dovunque sa troeuvan, anca quand in pù ricurdà da tanti, vegnissan intes nel so cumplet e prufund significà.

ATTRESS dal camin

Cadena dal camin - ul buffett - ul tripee - la moeuia - ul barnasc.

ATTRESS par la pulizia dalla persona e dalla cà

Mastell - segia - gadin - brocca - scisciè - spasseta - pettin - picínetascua - scuin - portarugh

ATTRESS par taià e spaccà la legna

Resega - reseghin - massa da legn e chigneou - sugurin - sugù - folc - gaia - scioca - cavalett - moeula

ATTRESS par scaldass

Scaldina - bula e tola par l'acqua calda - moniga - quadrell refrettari

ATTRESS par laurà la terra

Scilolia - erpas - rapega - burlun - ragolsatriss - sapadura - macchina par sumenà ul furment e ul maragun - sàpa - sapìn - sàpa furca - vanga

ATTRESS par ul fen

Musura - musureu - seghess - fer da ranzà - la cud - ul corna porta cud - i fer par martelà - la furca - furchett - ul rastell - bastun par voultà ul fen - taiafen - gerla - curell cansun e corda par caricà ul carich de fen - sughett - cavagna

FINIMENT DAL CAVALL E ASNIN e accessori par trainà

Bria - redin - culana - bastìn - portastang - sotpanscia - sèla - braga - frusta - balansin - balansun

MEZZI DI TRASPORTO

Careta - caretin - carr - carell - cariola - tumarell - birocc - stravachin - biga par traspurtà i besti

ATTREZZI DA LAVORO DELLA DONNA

Guccda cusì - gucc par fa la maia - portagucc - furbiseta - spuleta dal cutun - fer da stir a carbunella - cruscè - tombolo par ricama

ATTREZZI DA CUCINA E PER CUCINARE

Assa dal lard - pidrieu - pestasà - masnin dal caffè - panagia par fa ul butèr - canela dalla pulenta - parieu - caldar - padela - caldarinapignata - colapasta - sedàss - lecarda - pareta - tàsa - marneta dal pangiadcasùn dalla legna - muschireula - paltrera - cardensa - cadregott di fieou - taul e cadreg-

ATTREZZI PAR I FIEOU E PAR DIVERTISS

Bala da strasc - la lippa - ul caretìn - ul cavall dascoca - ul calimun - l'acquilun - i fuinèr - ul sunèl - ul cerc - la corda par saltàla pigota - ul firlofurla - i grett - i munedin

SPECIALITA’ CULINARIE

Ris e verz - minestra - pulenta e latt - pult - panàa - riselatt - pom stuà cul salamin - busecca - gnocch - frittada cui scigull - ris e succhsupa de verz cul pangiald - ris e usei - la seca - la brusela - ul duro - la castagnacciae la marmelà eran i dolci in di fest impurtant.