• Se ta veurat la pas tàs

• Ul Signur a sto mund al veur che nessun al sia cuntent

• Donna giuina visin a un vecc, gh’è fieu fina sul tecc

• Dopu disnà riposa, dopu cena passeggia

• In temp de guerra: pussè ball che terra

• Parlì men da quel che savì, mustrì men daquell che ghì

• La cusina a Milan la curt a Roma

• Quand la donna la mett su i calzun, ul mund al va a burlun

• Ul vin al fa dì la verità, e a tavula al fa cunfesà

• La lingua le senza oss, ma le quela che ia fa rump

• Omm che guarda bass, donna che gh’à lung ul pass: stagh luntan mila pass

• Va in cà da lu se ta sett parenta da lee

• Fina ai gineucc, tutt i oeucc; dai gineucc in sù, mi e lu

• Chi sà ul latin loda l'acqua e bev ul vin

• Mangia e va a lett prest se te voeuret campà vecc

• Asculta, guarda e tàss, se te veurett viv in pàs

• L'ucasiun al fa l'omm ladrun

• Ul mund le da chi la god

• La troppa cunfidensa la fa perd la riverenza

• L'amis vecc le un gran bel specc

• Quan nassan in tucc bei,quand sa spusan in tucc sciuri,quand moeuran in tucc bun

• Fàmm no fàmm, l’era vun tucc i ann

• La mort la stà sul tecc, e la guarda nè ai giuin nè ai vecc

• Vàr pussè un tocc de pan cun amur, che un capun cun dulur

• L'è pusse bela una donna biota che un omm vestì dalla festa

•  L’è un grand vant par la mama, quand i fieu a sumiglia al pader

• Chi sa marida cunt nient, fina alla mort san sent

• Chi ama una donna maridada, la sua vita l'è imprestada

• Vàr pusse un amis che cent parent

• In trà S.Marc e S.Crus, gh’è un'invernin a pus

• Mars succ e april bagnà: beato cal vilàn che l’à sumenà

• Ram, curam e donn, pussè se batten, pussè diventan bun

• Fortunada cala spusa che par prim gh’è nass una tusa

• Amur de fradei, amur de curtei

• Gh’è pussè temp che vita

• Se vegn al mund tutt biott e sa và senza fagott

• Brutt in fasa bell in piazza

• Un pà al mantegn 12 fieu, 12 fieu mantegnan no un pà

• Ul coeur dalla mamma al sbaglia mai

• Se sa ndue se nass, ma se sa no cume se moeur

• La roba rubada la poca durada

• Tucc i can menan la cua, tucc i minciun veuran di la sua

• Furtunà cal fieu che al ghlà ul so pà all'inferna

• La prima donna l'è la scua, la segunda la spusa

• Gh’è rimedi a tutt, feura l'oss dal coll

• Gh’è minga bisogn de curr, basta arrivà in temp

• Prima tì, peu i tò, e peu i alter se ta po’

• Suocera e neura, sta ben piturà sul mur

• Quand sui munt gh’è ul capell, curr a teu l'umbrell

• Incoeu a mì, duman a tì

• La mort a nissun la fa tort

• A sperà e a disperà bisogna mai esagerà

• Chi sa cuntenta no dall'unest, perd ul manich e ul cest

• Tutt i mes vegn la luna, tutt i dì te n'imparat vuna

• Intant che ul dutur al pensa, ul malà al meur

• Chi gh’à cuscenza neta, fa vita quita

• Ul sciur senza carità al sarà sempar disgrasià

• Quardat dal feug, da l'acqua, dalla guerra e da bus che guarda in terra

• Chi sa spusa imparentà, curta vita e lunga infermità

• Amicizia rinuada, minestra riscaldada

• April fà ul fiur e magg al ghlà l'amur

• Sa cugnus prima un busard che un sopp

• La carità la va foeura dalla porta e l'entra dalla finestra

• La rabbia dalla sera riservala par la mattina

• Chi lassa la strà vegia par la noeuva, minciun al se troeuva

• I veri amis sa cugnusan in dal bisogn

• Dò cugnad in cà, se ul diavul l'è mai vegnù al vegnarà

• Fieu e danè in mai assè

• De giugn ul cald al vegn a pugn, luii la terra la bui; d’agust ul sùu l'è sempar fusch; setembar setembrin l'è ul mes del vin; utubar l'è ul mes che se cata i rogur; quand nuvembar l'è passà tutt i racolt in fà; dicembar dicembrin, l’è ul mes che nass ul Bambin.

• La mamma pietusa la fa la tusa rugnusa.

• Chi patiss s'ingentiliss

• Le mei vess padrun d'una barca che capitan d'una nav

• La cà e la miee in i robb che sa god pusse

• L'amur di donn l'è elastic,al va e al vegn però,pò capità de resist pussè dal fil d'acciaio

• Tra busii e verità sa mantegn la pas in cà

• Le mei scampà debul che murì fort

• L'omm al prupon, la donna la dispon

• Par fa mai figura stramba, fa ul pass segund la gamba

• L'è bell cugnuss i dutur, ma senza fevara ne dulur

• Quand se laura passa via tucc i penser catì

• Se par un pess se scund ul mai, sa finiss all'uspedal

• Al dutur e al cunfesur bisogna scundig nagòt

• I corni in cumè i dent: quand spuntan fan mal, ma dopu servisan per mangià

• Chi tropp studia matt diventa, chi studia nò potta la brenta

• A fa ul dutur grand pratica ghe voeur,e pratic se fà vun su cent che moeur

• Le mei sudà che tremà

• I donn gh’han prunt i lacrim cumè la pissa i can

• Ogni fadiga la merita un premi

• La prima acqua d'agust la porta via un sacch de puras e musch

• Luntàn di oeucc luntàn dal coeur

• I donn gh’han tre età: l’età che la gh’à, l’età che la mustra e l'età che la dis d'avegh

• Soli, sa stà ben nanca in paradis

• Ul bisogn al gussa ul talent