La famiglia che par la sua capacità lavurativa,la s'era insedià in un fund cunsistent,sòo oppur in affittala frantumava no la sua unità quand i fieou sa spousavan,purtavan in cà i mièe e sa furmava quela ca sa diss "LA FAMIGLIA PATRIARCAL”.

La vita ca sa conduceva l'era quella da semper,ma ul cunviv pacific de tanti person,che dumà i legam dal sang e la semplicità de la vita dal passàa rendevan pussibii,gh’avevan bisogn da vess regulà da precis regul.

Al vertice dalla piccula comunità gh’era ul capofamiglia,vero patriarca espert e autorevul,depusitari e garante dalla saggessa che la gha veniva dalla tradissiun,respunsabil dall'andament de tutta la cà,dal so prugress e di so cunquist,che cunsistevan quasi sempar in terren o attress par laurà;sota de lúu stavan i fieou e i noeur,che l'era l'ussadura dalla famiglia nel laurà di camp e de càa; pusse bàss gh’era i neud.

Tutt: cà,mangià,laurà,1’era in cumun.Al capofamiglia spettava tutt i decisiun, eran soo ul dirittu de tegnì e amministrà i danèe,mentre i fieou e i noeur dispunevan quasi dumà l'intimità dalla propria stanza.

Quand sa mangiava in cusina, ul taul l'era riservà ai oman che mangiavan tucc insema. I donn mangiavan spess cul piatt in màn in un quai angul dalla cusina insema ai fieou.

Giungeva ul mument che anca i neud se duevan spousà, se la famiglia la riessiva a prouedè cul taccag un quai lucal ai già esistend bona sennò se spustava un quaivun.

Nel caso de mort del patriarcali fieou decidevan de restà insema, l'autorità che l'era dal pà la passava de dirittu al fradell magiur.  Cul cumplicass dalla vita e di so necessità la famiglia patriarcal la se fada prima rara par peou scumparì quasi dal tutt in di últim ann.

PRUVERBI SULLA FAMIGLIA

• Quand manca ul timun, sa perd la diresiun.
• Ogni cà la gha ul so fardell.
• Un pà al mantegn cent fieou, ma cent fieou mantegnan no un pà.
• Amur de fradei, amur de curtei.
• A v’ott ann semm fieou, a ottanta semm ancamò quei.
• Usel de gabbia, se al canta nò par amur al canta par rabbia.
• Tre donn in cà a stan ben: v’una viva, v'una morta e v’una puturà sulla porta.
• Fà tasè i donn, fa sta fermu i fieou e fa curr i vecc, in tre robb che nessun le bun de fà.

Par finì ul discurs dalla famiglia patriarcal, ritegli oppurtun numinà gl’attress del fucular che a le ul simbul della famiglia.

+ La cadena del camin, fada da anei dalla lunghessa da du metar cunt all'estremità du rampitt v’un da gancià alla mensula dal camin, l’alter par i padei e parieou.

+ Ul buffett, al sa usava par ravivà ul feoug e al consisteva in un tubu da ferr lung un metar cunt in fund du baffi par minga fa stupà ul buss dalla scendra.

+ Ul tripee che al serviva par pugià ipadei e padelitt par fa scaldà sul feoug dal camin.

+ La moeuia l'è un accessori indispensabil dal camin e la serviss par spustà labrasa sotta la padela o par riempì la scaldina.

+ Ul barnasc anca lu indispensabil par pudè tirà via la scendra dal camin.

Ul sugurin l'era sempar lì visin al camin par spacca i legn specialment quand sa dueva accendal.