Alla
festa dei cuscritt,tipica nel nost paes,ghe sa dà un'impurtansa che la pò
vess sprupursiunada al fatto in sè.Ma in effett la segna el svilupp e la
maturasiun del giouin.
Nessuna
festa la durava inscì tant cume quela dei cuscritt,e par fala riess ben i
giouin versavan alla cassa una quota cunsistent. La sera precedent la visita,passavan par i vii dal paes a scrì
sii mur i vari slogan cume “viva la classe.....”,”w i baldi giovani del
...” La matina dalla visita,i cuscritt andavan tucc insema vers el centro
mandamental cunt la bandera e ul fular dalla class al coll. L'esit dalla visita,che faseva abili,rividibil o scartà,incideva
notevoulment sula vita dei giouin.
Eppur
sul desideri de fas scarta prevaleva in genere l'aspirasiun e la felicità da
sentiss dichiarà abile.
Finida
la visita,dopu la foto dal grupp,cuminciava la festa vera e propria.par tutt
ul dì che durava la festa i cuscritt andavan in gir par ul paes e par i paes
visitt,preferendu i post ndue savevan de poudè trouvà di tousann.
Ul
viagg al fasevan cunt ul carr adubà cunt brocc de pin e ghirland tirada da un
cavall o,in temp pusse recent,da un trattur.
Era
ubligatori la presensa d'un sunadur,inscì i giurnà ai passavan a girà,cantà
balà e a ogni sosta inumidivan la gula col barbera. La festa la se concludeva cunt una grand mangiada
all'osteria. La solidarietà
dalla class e ul legam tra i cuscritt duran tutta una vita,tanchè se
ritoeuvan ogni cinclann per una giurnada in allegria mentre se capita una quai
disgrazia a un cuscritt,gli alter ghe stann visin.
Un
ann dopu la visita,arrivava la cartulina russa che ciama a fa ul suldà,chi in
fanteria,chi in marina o alpin tucc partivan par una esperiensa tutta noeuva.
Finì
la ferma,al ritorno a cà significava rientra da un alter mund luntan e divers,che
l'era sembrà in genere senza prufitt,per ritruass nel propri paes par
ricumincià al propri tran tran de tucc i dì.
L'esperiensa della naja, laiassa di segn che duran tutta la vita.
Per quest in di paes troeuvan spazi vital l'Assuciasiun Cumbattent,
quela degli alpini,i marinar gli artiglier ecc ecc.
Sa
ritroeuvan par riviv l'antica amicizia,nassu in condisiun difficil e a bef un
bicier da vin in cumpagnia.
PROVERBI
SUI COSCRITTI
-
Chi
ghe minga bun par ul re le bun nanca par la regina.
-
Var
pusse un alpin in infermeria che 100 suldà de fanteria.
-
Ul
marinar par due al passa murusa al lassa.
